Ndërkohë që ju e keni kaluar fundjavën duke mos bërë asgjë, Shakira ka ndryshuar totalisht imazhin e vajzës së ëmbël bjonde që njohim prej nuk e dimë se sa kohësh.
Këngëtarja kolumbiane ka publikuar një foto në Instagram ku ka lyer flokët të kuqe flakë, shoqëruar me diçiturën: “Kokëkuqet bëjnë më shumë qejf.”
Nuk e dimë për këtë, por deri tani thuhej që bjondet bënin më shumë qejf. Nëse ndryshojmë ngjyrat e flokëve në kërkim të qejfit, me shumë gjasa do mbetemi pa flokë, prandaj më mirë ia lemë yllit të muzikës të na thotë nëse bënin apo jo aq qejf.
Shakira ka patur edhe më parë flokë në nuancat e së kuqes, ndonëse jo kaq të ndezura sa tani. Në vitet 2000 bashkëshortja e Pique kishte flokë në ngjyrë vishnje me fije të zeza, por nuk rezistoi gjatë dhe iu kthye sërish bjondes.
