Nuk ka më dilema se kush do të jetë trajneri i Kuksit, Tashmë është zyrtare dhe drejtimin e stolit të verilindorve e merr trajneri serb Mlladen Milinkoviç. Milinkoviç ka drejtuar vitin e kaluar Lufttarin dhe bri nj kampionat mjaft të suksesshm. Serbi pritet të prezantohet sot në orën 11-të në zyrat e klubit të Kukësit. Tek Kukësi, Milinkovic zë vendin e të larguarit Ernest Gjoka, që u shkarkua pavarësisht se kishte fituar titullin e parë në histori të Kukësit duke vuajtur pasojat e eliminimit në Champions League.
Ndërkohë, Presidenti i Luftëtarit, Grigor Tavo, ka reaguar mjaft ashpër pasi trajneri serb Mlladen Milinkoviç është prezantuar sot te Kukësi si kreu i ri i pankinës së kampionëve. Në një prononcim për të dhënë për “Panorama Sport”, ai ka bërë me dije se do ta çojë në gjyq trajnerin pasi ky i fundit ka një kontratë në fuqi me klubin e Luftëtarit.
“Milinkoviçin e çoj në gjyq. Ështq e turpshme që si ai dhe Kukësi marrin guximin të dalin para mediave, në një kohë që trajneri ka edhe 1 vit kontratë me ne. Ka pasur shumë kohë më parë biseda me Kukësin, ndihemi të tradhtuar. Tani shihemi ne gjyq”, - tha Tavo.
