Gigi Buffon dhe e dashura e tij, gazetarja Ilaria D’Amiko kanë vendosur të padisin revistën e përjavshme “Chi” për fotot e publikuara gjatë pushimeve të tyre. Fotot janë publikuar nga revista që drejtohet nga Alfonso Sinjorini, por janë bërë publike në të gjitha portalet dhe mediat e tjera. Sidomos njëra prej tyre ky D’Amico ka futur kokën mes këmbëve të portierit të Juventusit dhe kombëtares italiane. Me anë të një komunikate çifti ka njoftuar se do të ngrejë padi ndaj revistës për të mbrojtur imazhin personal dhe atë të fëmijëve të tyre. Në komunikatë thuhet se “fotot nuk shfaqin në asnjë mënyrë atë që të tjerët kanë hamendësuar. Ilaria po qeshte dhe në një moment ka mbështetur kokën mes këmbëve të Xhixhit” – citohet për foton që të gjithë e kanë konsideruar “djallëzore”./lapsi.al/
