Cristiano Ronaldo është bërë baba me një vajzë dhe një djalë binjakë, para pak ditësh. Ai ka publikuar një foto teksa mban binjakët së bashku me djalin e madh Cristiano Jr.
Fëmijët, Eva Maria dhe Mateo, kanë lindur me një nënë e huazuar, e panjohur për publikun. Megjithatë, pak kohë para këtij lajmi, në media nisi të flitej që e dashura aktuale e sulmuesit të Realit ishte shtatzënë. Të gjithë sytë kanë qenë te ajo në shfaqjet publike, por asgjë nuk ishte konfirmuar.
Megjithatë portugezi i ka dhënë fund kësaj historie duke pranuar vetë për El Mundo, që e dashura e tij, Georgina është shtatzënë. Ai ka thënë që është shumë i lumtur.
Ky është fëmija i katërt për futbollistin dhe i pari që publiku do ia njohë mamanë.
Georgina Rodriguez është 22 vjec dhe prej disa muajsh ajo shoqërohet me golashënuesin më të mirë të të gjitha kohërave të Champions League, që tashmë është 32 vjeç.
