Aktualisht në Prishtinë është duke u mbajtur edicioni i nëntë i Festivalit Ndërkombëtar të Filmit “Prifest”, një event që bën bashkë figura të njohura të kinematografisë dhe teatrit në Europë.
Të pranishëm kanë qenë edhe shumë personazhe të njohura të artit në Shqipëri mes tyre dhe Olta Gixhari, e cila është njëkohësisht dhe anëtare jurie. Një situatë jo fort e këndshme ka ndodhur mes saj dhe gazetares Romina Ruda.
Ato kanë rastisur një moment në të njëjtën tavolinë gjatë eventit dhe kanë debatuar me njëra-tjetrën. Ka qenë Romina ajo që ka postuar një shkrim në Facebook-un e saj në të cilin shprehej: “E kupton që ke bërë gjëra të mira në jetë kur Olta Gixhari të kërkon të çohesh sepse nuk rri dot në të njëjtën tavolinë me ty”. Blitz.al ka kontaktuar me gazetaren, e cila ka treguar për bisedën që vajzat kanë shkëmbyer mes tyre, duke treguar kështu se në fakt ky konflikt ka lindur që kohë më parë.
“Në fakt, gjithçka ka nisur që në programin “Në një javë”, ku Olta ka marrë pjesë ndërsa unë isha producente segmenti. Olta më kërkonte t’i merrja këpucët se nuk e kuptonte ç’bëja. Thjesht unë isha e pakënaqur me sjelljen prej dive të saj.
Ajo më konsideronte të paaftë besoj, sepse s’ka punuar ndonjëherë në jetë. Për sa i përket situatës dje, unë u ula në tavolinë se takova një shok. Ajo bëri skena, por unë s’e mora seriozisht sa të mërzitesha. Përkundrazi, më bëri të qesh, m’u duk vetja si te “Gossip Girl””,- është shprehur Romina.
Duket se qejfmbetjet e tyre, ashtu siç gazetarja tregon, kanë qenë të mbartuara që nga koha kur u është dashur të punonin bashkë./Blitz.al/
