Ish-presidenti i Brazilit, Luiz Inacio Lula Da Silva u dënua me nëntë vite e gjysëm burg pasi ishte akuzuar për korrupsion.
Gjykatësi vendosi se mund të mbetet i lirë pas një Apelimi.
Gjykatësi federal Sergio Moro sqaroi se nuk urdhëroi arrestimin e menjëhershëm të Silvas sepse dënimi i një ish-presidenti përbënte një çështje shumë serioze dhe fillimisht çështja duhet të trajtohej edhe nga një Gjykatë Apeli.
Ish-presidenti Lula ka mohuar pretendimet se ai ka marrë një apartament si ryshfet në një skandal korrupsioni që lidhej me kompaninë shtetërore të naftës Petrobras.
