Presidenti turk, Rexhep Taip Erdogan deklaroi se Bashkimi Europian nuk është një institucion i pazëvendësueshëm dhe se në një rast ku BE do t’i refuzonte anëtarësimin Turqisë, ata mund t’ia dilnin shumë mirë vetë.
Erdogan, i cili kohët e fundit ka ashpërsuar gjuhën ndaj Gjermanisë, pasi nuk u lejua të zhvillonite një miting në Hamburg për minoritetin turk, ka deklaruar se Bashkimi Europian po i humbet kohën Turqisë përmes tejzgjatjes së procedurave të anëtarësimit.
“Nëse BE një ditë do të na thotë se s’mund të na pranojë në brendësi të saj, kjo do të jetë një përgjigje komforte për ne. Bashkimi Europian nuk është i pazëvendësueshëm. Në rast se përpjekjet tona për t’u antarësuar do të dështojnë, ne do të vazhdojmë me planin tonë B apo C. Jemi të aftë të qëndrojmë edhe me këmbët tona. Megjithatë, Bashkimi Europian po i zvarrit procedurat e antarësimit dhe kjo përbën humbje kohe për ne.” - tha Erdogan, shkruan BBC.
