Një shqiptar goditi me thikë një ushtar francez mesnatën e së martës, në Montpellier.
Sipas mediave lokale, në momentin kur ushtari u qëllua, autori shqiptar ishte i shoqëruar nga 15 refugjatë të tjerë, po nga Shqipëria.
Ushtaraku ishte duke ecur në rrugë dhe po shoqërohej nga një koleg i tij kur ndodhi ngjarja.
Ndërkohë, miku i tij nuk mundi të ndërhynte pasi ishte bllokuar nga refugjatët e tjerë shqiptarë të cilët e kërcënonin me thikë.
Ata u grabitën nga grupi i të rinjve dhe më pas i plagosuri u dërgua për në spital. Ai ndodhet jashtë rrezikut për jetën. Ndërkohë, asnjë arrestim nuk është bërë deri tani dhe as shkaqet e ngjarjes nuk janë të qarta.
