Vendimi i këngëtares britanike Adele për të anulluar koncertet, padyshim që ka mërzitut dhe fansat.
Një ndër to, ka udhëtuar 3 herë në vendet e ndryshme të botës ku do zhvilloheshin koncertet, por britanikja nuk ka dalë në skenë.
Përmes një reagimi në Facebook, Lori Shortall mësuese muzikë nga Kanadaja ka shkruar se ka mbetur trokë nga udhëtimet nëpër botë për të parë Adele. Ajo nuk duket e zemëruar me idhullin e saj, por i kërkon vetëm 5 minura kohë dhe një filxhan çaj.
“Adele, ky është koncerti i tretë që ke anulluar me mua! Houston (2011), Phoenix (2016) dhe Londër (2017). Unë jam një mësuese muzike nga Kanadaja dhe kam mbetur trokë nga udhëtimet nëpër botë për të marrë mbrapsht koncerte të anulluara...Ende nuk të kam parë në koncert dhe kam shpenzuar gati 10 mijë dollarë. Ndihmoje këtë vajzë! Gjithçka dua janë 5 minuta nga koha jote dhe një filxhan çaj,”-shkruan Lori fansja e çmendur e Adele.
