Donald Trump dhe Angela Merkel duken më në fund optimistë për t’i dhënë drejtim disa prej çështjeve të ndjeshme globale, si marrëveshja për klimën dhe çështja mbi kapacitetin e tepërt global të çelikut.
Shtëpia e Bardhë njoftoi se Trump zhvilloi një bisedë të gjatë telefonike ditën e sotme me kancelaren Merkel, një javë para samitit të G20-ës.
“Presidenti Trump tha se ai mbështet kancelaren, Angela Merkel për ta shndërruar samitin e G20-ës, javën e ardhshme, në një sukses. Gjatë bisedës telefonike, liderët diskutuan rreth marrëveshjes së Parisit për klimën, Iniciativës për Financimin e Sipërmarrjes së Grave dhe Tregtinë, duke përfshirë edhe çështjen mbi kapacitetin e tepërt global të çelikut.” - njoftoi Shtëpia e Bardhë. /LAPSI.AL/
