Presidenti i Rusisë, Vladimir Putin, zgjati embargon ruse mbi prodhimet ushqimore nga Perëndimi deri në vitin 2018. Ky vendim i Putin vjen si përgjigje ndaj Bashkimit Europian, që dy ditë më parë zgjati formalisht sanksionet ekonomike të vendosura ndaj Rusisë.
Sanksionet e Perëndimit kundër Rusisë u vendosën në vitin 2014 për shkak të aneksimit të Krimesë nga Rusia dhe mbështetjes së saj për separatistët në lindje të Ukrainës.
Dekreti i Putinit thotë se embargoja mbi prodhimet perëndimore është zgjatur deri më 31 dhjetor 2018.
Dy blloqet i zgjasin sanksionet njëra-tjetrës qysh në vitin 2014.
Putin deklaroi më herët se Moska do ta heqë embargon kur Perëndimi t’i heqë sanksionet. /LAPSI.AL/
