Autorja italiane e Big Brother ka bërë një përmbledhje të të gjitha mbresave me anë të një statusi të publikuar pak orë më parë në faqen e saj në Instagram. Pjesën më të madhe të tij e zinte kundërpërgjigjja e ashpër ndaj të gjithë atyre që e kishin sulmuar gjatë programit, një prej tyre edhe Olti Curri. Opinionisti i ktheu menjëherë një përgjigje të hollësishme edhe më të ashpër në faqen e tij.
Por pas kësaj, kur tashmë statusi i autores së BB, ishte përkthyer në shqip e kthyer në lajm në media të ndryshme, vjen veprimi i papritur i Vessicchio-s.
Autorja italiane kthen në privat profilin e saj publik të Instagramit. Ndoshta e kuptoi që me atë status do të ngjallte shumë reagime, ndoshta pas një sezoni intensiv, vendosi të tërhiqet për ca kohë nga jeta publike. Megjithatë tashmë ai status është ruajtur nga media të ndryshme dhe ka mbetur si përshëndetja e fundit e Alessia-s pas Big Brother.
