Valon Shehu, i cili muajin e shkuar u shpall gabimisht fitues i spektaklit, reagoi për herë të parë publikisht për ngatërresën që sipas tij, duhej të ishte pritur ndryshe nga Beatriks Ramosaj.
“Me Beatriksin s’jam takuar akoma. Unë kupën po ma kërkoi ia jap, se kam 4 kupa në shtëpi, po s’na ka rënë të takohemi. Por s’më ka pëlqyer pak edhe mënyra e Beatriksit. Të thashë që fitues jemi dy. S’më pëlqeu komenti ku shkruante se edhe pse ishte fituese e çmimit, “s’e kam kupën, po s’ka gajle.” S’më pëlqeu kjo, sepse po të kisha qenë në vendin e saj do kisha shkruar se fitorja është e të dyve: “Edhe e Valonit, edhe e imja se po të mos kishte qenë 5-pikëshi i Valonit, s’do ta kisha fituar çmimin e parë.” Pas kësaj unë direkt jo kupën, po ç’të donte, ajo e di se kemi ndenjur shumë bashkë.”, u shpreh ai i ftuar në “Express Rozë”. “Fitues nga juria dola unë. 30 pikë kishte Beatrix, 30 kishte Flaka, kurse unë kisha 33 pikë. Pastaj nga votimi i konkurrentëve për njëri-tjetrin, unë nëse nuk do t’ia kisha dhënë 5-pikëshin Beatriksit, do të kisha fituar unë. Mirëpo, ia dhashë pikët Beatriksit sepse as s’i llogarita, se s’i bëj gjërat me paramendim: “T’ia jap këtij dhe të mos ia jap atij që të fitoj unë.”
