Donald Trump vlerësoi përpjekjet e Kinës dhe presidentit të saj, Xin Jingping për të ndihmuar në lidhje me kërcënimet e Koresë së Veriut, por ka shtuar se këto përpjekje nuk kanë funksionuar.
“I vlerësoj shumë përpjekjet e Kinës dhe presidentit të saj Xin Jinpig për të ndihmuar në lidhje me çështjen e Korenë së Veriut, por nuk ka funksionuar. Të paktën e di që Kina u përpoq.” – shkroi Trump në rrjetin social “Twitter”.
Trump dhe bashkëpunëtorët e tij e kanë theksuar prej muajsh se çdo progres në lidhje me programin bërthamor të Koresë së Veriut varej nga përfshirja e Kinës.
“Kam shumë besim se Kina do të veprojë siç duhet me Korenë e Veriut. Nëse nuk do të jetë në gjendje ta bëjë një gjë të tillë, atëherë do të veprojë SHBA-ja me aleatët e saj.” – shkroi Trump në “Twitter”, duke lënë të kuptojë se SHBA është e gatshme të përballet edhe e vetme me vendin e izoluar komunist. /LAPSI.AL/
