Mëngjesin e sotëm Londra mori një goditje tjetër, ku një ndërtesë 27-katëshe në perëndim të qytetit u përfshi nga flakët. Fillimisht u raportua për 6 të vdekur, por numrat janë rritur.
BBC shkruan se 12 veta kanë humbur jetën, ndërsa 68 të tjerë kanë mbetur të plagosur. 18 prej tyre janë në gjendje të rëndë.
Sikurse raportojnë mediat britanike, korridoret e godinës u bënë të pakalueshme falë tymit asfiksues të zjarrit. Për t’i shpëtuar flakëve, njerëzit u hodhën nga pallati, një skenë e trishtë kjo që na kujton pamjet tronditëse të sulmit ndaj kullave binjake në SHBA.
Kryeministrja Theresa May shprehu pikëllim për këtë ngjarje, të cilën e cilësoi “tragjike”.
May tha se komiteti qeveritar i emergjencës do të mblidhet sot në një takim për të diskutuar dhe siguruar ndihmën e nevojshme. Kulla Grenfell, e ndërtuar në vitin 1974, është pjesë e Lancaster West Estate, një godinë me banesa sociale, me rreth 1 mijë shtëpi. /LAPSI.AL/
Zjarri në Londër:
Sulmi i 11 shtatorit në SHBA:
