Arlind Ajeti pritet të largohet nga Torino gjatë kësaj vere pasi dështoi të zërë një vend në formacionin e trajnerit serb, Sinisa Mihajlivic. Sipas “Corriere Dello Sport”, ish mbrojtësi i Bazelit dhe Frosinones mund të vazhdojë karrierën te Bologna. Sipas shkrimit të “Corriere Dello Sport”, pavarësisht faktit se Ajeti nuk ka mundur ta bindë trajnerin Sinisa Mihajloviç për vendin e titullarit te Torino, nga Bolonja shihet si futbollist i perspektivës. Mosha e re, por edhe fakti që është pjesë e Serisë A prej dy sezonesh, kanë bindur skuadrën kuqeblu që të kërkojë Ajetin. Bologna mund të bëhet streha e disa futbollistëve të Kombëtares shqiptare për sezonin e ardhshëm, pasi kjo skuadër prej disa kohësh interesohet edhe për Ledian Memushajn, i cili pritet të largohet nga Pescara.
