Lista e Kombëtares U-21 e publikuar dje nga FSHF është kthyer në një temë të nxehtë diskutimesh mbi emrat e përzgjedhur nga Superiorja, ku është përfshirë edhe ish-sulmuesi i njohur Bekim Kuli. Ky i fundit ka komentuar në postimin e FSHF-së rreth listës në Facebook, duke pyetur se pse nuk grumbullohej Regi Lushkja në përfaqësuese.
“Po Regi Lushkja që ka 5 vjet që luan, 3 vjet me Besën e Kavajës edhe 2 vjet me Laçin, është 21-vjeç apo s’ka gjë se pret ky… Ka 100 ndeshje deri tani edhe 60 me Laçin këto dy vite të gjitha në formacion. Për mendimin tim, lojtari më i mirë në Shqipëri në rolin e tij. Vetëm ka një defekt, nuk del në gazeta se është çun i mirë i urtë… edhe Babin s’e ka të njohur se e ka kasap…” - ishte postimi i ish-sulmuesit që tashmë është trajner, shkruan PanoramaSport.
