Cristiano Ronaldo pret të bëhet përsëri baba. Konfirmimin e lajmeve që qarkullonin prej kohësh në mediat rozë dhe sportive ua dha revista italiane “Chi”. Ajo ka postuar foto të CR7 dhe të dashurës së tij, Georgina Rodriguez, në Korsikë gjatë ditëve të fundit. Sipas kësaj reviste, Rodriguez është në muajin e pestë të shtatzënisë dhe pret binjakë nga futbollisti portugez. Zërat për shtatzëninë ishin hapur që nga momenti kur vetë Ronaldo publikoi në rrjetet sociale një foto në të cilën të dy po përkëdhelnin barkun e Rodriguez duke dhënë sinjalet e para për zgjerimin e familjes.
