Një 17-vjeçar është vënë në pranga nga policia Gjermane, pas dyshimeve se ai kishte përgatitur dhe mirëplanifikurar një sulm kamikaz në Berlin.
Sipas mediave vendase, 17-vjeçari me origjinë siriane është arrestuar në Uckermark, në rajonin e Brandenburg.
Policia Gjermane ende nuk ka zbardhur bazat e hetimeve, apo specifikimet rreth këtij sulmi vetëvrasës të planifikuar.
Dyshohet që organet hetuese t’i japin ngjyrim terrorist këtij sulmi. Vetëm pak muaj më parë, ditët e fundit të dhjetorit 2016, Berlini u trondit nga sulmi me kamion mbi turmën në tregun e Krishtëlindjeve, që shkaktoi disa viktima dhe dhjetëra të plagosur.
Ky arrestim vjen 10 ditë pas sulmit kamikaz në Mançester, ku pas koncertit të këngëtares amerikane Ariana Grande, një 23-vjeçar sirian aktivizoi një bombë që la atë dhe 22 persona të vdekur, dhe 59 të plagosur. /LAPSI.AL/
