Emisioni “Procesi Sportiv” ka zbuluar një tjetër fakt nga video-skandali që është publikuar disa ditë më parë nga “Fiks Fare” ku një menaxher futbollistësh i quajtur Drini Çaushi telefonoi Emiljano Vilën e Partizanit duke i kërkuar të tolerojë në ndeshjen me Kukësin e mbyllur 1-1.
Në një material të përgatitur nga ky emision është zbuluar edhe një mesazh në telefonin e Vilës. Ai i ka dërguar një mesazh shokut të tij të skuadrës Lorenc Trashi ku i shkruan: “Safet të lutem mos më vër në siklet”. Pikëpyetja është përse Vila i drejtohet shokut të tij me emrin Safet? A ka qenë presidenti i Kukësit Safet Gjici në telefonin e Trashit? Çështjen e ka marrë në dorë prokuroria. /lapsi.al/
