Disa letra të gjetura gjatë bastisjes së shtëpisë ku qëndronte Bin Laden gjatë momentit të ekzektutimit, tregojnë se Hamza, djali i Osama bin Laden, është gati të marrë në dorë Al Kaidën disa vite pas vdekjes së babait të tij. Hamza aktualisht është 28 vjeç, ndërkohë që mësohet se ai i ka shkruar letrat kompromentuese kur ishte në moshën 22 vjeçare. Një ish-agjent i FBI-së i cili i ka lexuar dokumentet, të cilat tani janë të deklasifikuara, tha se Hamza duket i motivuar dhe i përgatitur për t’u hakmarrë për babain. Ali Soufan ishte një agjent i cili gjithashtu shërbeu si hetuesi kryesor i Al Kaidës pas 11 shtatorit. Ai tha se djali i Bin Ladenit shihej si një lider tjetër i mundshëm i organizatës terroriste kur ai ishte vetëm një fëmijë, raportoi CBS News. Në letrat e zbuluara, djali i Bin Laden ka një kërcënim të frikshëm: “Populli amerikan, po vijmë dhe do ta ndjeni”.
