Është mbyllur në barazim ndeshja më e rëndësishme e fundit të sezonit të Superligës. Partizani dhe Kukësi janë ndarë në një barazim 1-1 që duket se i ka pëlqyer më shumë verilindorëve që vazhdojnë të qëndrojnë në krye të Superligës megjithëse me pikë të barabarta me “të kuqtë”, por me golavarazh më të mirë. Të parët shënuan kuksianët në minutën e 21-të. Goditje nga këndi për Kukësin dhe Dvornekoviç dërgon topin në rrjetë pas një rrëmuje në zonë. Me ketë mënyrë mbyllet pjesa e parë. Që në nisje të pjesës së dytë Partizani barazon rezultatin. Harkim nga e djathta e Cetkoviç, dhe Alla në tentativën për të larguar topin e përplas atë te Shameti dhe sfera përfundon në rrjetë. Partizani u tregua më kërkues në të gjithë lojën ndërsa Kukësi qëndroi në mbrojtje. Feston edhe Skënderbeu që tashmë ka mundësinë të afrohet me kreun nëse fiton me Vllazninë. /lapsi.al/
