Trajneri i Partizanit Sulejman Starova tha se ishte i kënaqur me atë që bëri skuadra në ndeshjen me Kukësin, por ishte i trishtuar me rezultatin.
“Ndeshja ishte shumë e mirë nga ana jonë. Nuk arritëm të fitonim sepse futbolli është i tillë. Nuk e mbaj mend sa herë erdhi Kukësi në portën tonë. Me Torasën pati një keqkuptim. Kujtuam se kërkoi ndërrim, por nuk ishte e tillë. Jam i kënaqur me skuadrën. Nuk jam fare i kënaqur me rezultatin. Ndoshta duhet të bënim dhe pak më shumë sulm. Lojtarët ankohen për arbitrin, por ai mendoj se bëri vetëm gabime njerëzore” – tha Starova në Supersport pas ndeshjes./lapsi.al/
