Britanikët votuan një vit më parë për të dalë nga Bashkimi Europian dhe bisedimet e shkëputjes kanë nisur tashmë.
Por, britaniku më i famshëm në fushën e astrofizikës thotë se Brexit nuk mjafton. Njerëzimit, thotë ai, i duhet një “Earthexit”.
Stephen Hawking është rikthyer me parashikimet e tij të zymta për të ardhmen e njerëzimit dhe këtë e ka bërë në sezonin e ri të dokumentarëve shkencorë të BBC-së, “Tomorrow World”.
Hawking thotë se numërimi mbrapsht për ka nisur dhe brenda një shekulli, njerëzimit duhet të gjejë mënyrën që të largohet nga ky planet.
“Ndryshimet klimatike, rritja e rrezikut për t’u goditur nga një asteroid dhe mbipopullimi janë faktorët që kërcënojnë të ardhmen tonë”, thotë Hawking.
Në seritë e dokumentarit, Hawking dhe ish-studenti i tij, Christophe Galfard do të udhëtojnë nëpër vende të ndryshme në përpjekje për të zbuluar mundësitë që njerëzimit të largohet prej këtu.
Ky nuk është paralajmërimi i parë i shkencëtarit të famshëm britanik. Ai shquhet për parashikimet e zymta dhe e famshme është thënia e tij referuar bombës bërthamore.
“Është e çuditshme që ne sot kemi teknologjinë për të shkatërruar planetin tonë, por jo teknologjinë për t’u larguar nga ky planet”, ka thënë ai./ TCh
