Misioni i vëzhguesve të OSBE-së ka qenë kritik ndaj procesit të votimit të referendumit për ndryshime kushtetuese në Turqi. Ky proces votimi nuk ka qenë në lartësinë e standarteve ndërkombëtare.
“Vendimi i Komisionit Elektoral turk për të pranuar fletët e votimit te pavulosura kërcënon garancitë kundrejt mashtrimeve”- deklaruan përfaqësues të misionit në një konferencë për shtyp në Ankara.
Opozita nuk ka mbetur e kënaqur si me rezultatin, ashtu edhe me mundësinë e refuzimit të komisionit elektoral për të anuluar skedat e kontestuara. Opozita deklaroi se nëse këto skeda të kontestuara nuk anulohen, opozita deklaroi se është gati t’i drejtohet Gjykatës Eropiane të të Drejtave të Njeriut.
Pas zyrtarizimit të rezultatit pro ndryshimeve kushtetuese, Gjermania i është drejtuar Turqisë që të angazhohet në një dialog të sinqertë mes të gjitha partive politike dhe civile. Sipas Berlinit, rezultatet e referendumit treguan se sa e përçarë është shoqëria turke.
Në një deklaratë të përbashkët, kancelarja Merkel dhe ministri i Jashtëm, Gabriel janë shprehur se Gjermania respekton vullnetin e popullit turk, duke nënvizuar se presidenti Recep Tayip Erdogan, me kompetencat që mori nga vota pro në referendum, ka një përgjegjësi të madhe mbi supe. /LAPSI.AL/
