Senatori amerikan John McCain përgëzoi Malin e Zi për anëtarësimin e pritshëm në NATO dhe kritikoi përpjekjet e dyshuara të Rusisë për të ndërhyrë në Ballkan.
Senatori McCain, ish-i burgosur lufte në Vietnam, është një ndër mbështetësit më të fortë të zgjerimit NATO-s në Evropë.
Ai tha të mërkurën në Mal të Zi se “sjellja nga ana e rusëve, në të gjithë rajonin dhe botën, nuk është e pranueshme.”
Senati e mbështeti pranimin e Malit të Zi në NATO muajin e kaluar, një mesazh ky se SHBA do t’u kundërvihen përpjekjeve të Rusisë për të rritur ndikimin në Evropë, shkruan Voa.
Presidenti Donald Trump e nënshkroi ratifikimin të martën.
Zoti McCain tha se sjellja e Rusisë kërkon solidaritetin dhe forcën e SHBA.
NATO-ja e ftoi Malin e Zi për t’iu bashkuar aleancës ushtarake më 29 dhjetor 2015. /LAPSI.AL/
