Një ditë më parë u njoftua se Donald Trump u ka kërkuar zyrtarëve amerikanë “opsione” për eliminim e rrezikut nuklear që paraqet Koreja e Veriut. Sot, sekretari amerikan i shtetit, Rex Tillerson është shprehur se edhe Kina ka nisur të pranojë se armatimi bërthamor i shtetit të izoluar komunist përfaqëson një kërcënim ndaj interesave të saj.
“Presidenti Xi (Xi Jinping) e kupton dhe kam bindjen që edhe e pranon se situata është përshkallëzuar pak si shumë e ka mbërritur një nivel kërcënimi, ku kalimi në veprim duket i domosdoshëm”- tha Rex Tillerson.
Tillerson nuk sqaroi se për çfarë veprimi mund të bëhet fjalë saktësisht, por muajin e kaluar në Seul, kryediplomati tha se vendi i tij do të marrë në konsideratë aksionin ushtarak kundër Koresë së Veriut, nëse provokohet prej saj.
Komentet vijnë në kohën kur Shtetet e Bashkuara nisën një grup goditës të udhëhequr nga aeroplanmbajtësja “Carl Vinson” drejt gadishullit korean, ndërsa shtohen gjithmonë e më shumë spekulimet se Peniani po përgatit një tjetër test bërthamor.
Pak ditë më parë, Presidenti Trump zhvilloi një takim në Shtëpinë e Bardhë me Presidentin e Republikët Popullore të Kinës, Xi Jinping. /LAPSI.AL/
