Të mbledhur në senacë plenare në Strasburg, eurodeputetët në PE miratuan me shumicë votash me 516 vota pro dhe 133 kundër një rezolutë që vendos disa linja të kuqe për negociatat e Brexit.
Parlamenti evropian miratoi sot linjat e kuqe për negociatat e Brexit duke refuzuar që një marrëveshje për të ardhmen e marrëdhënieve me Britaninë e Madhe, veçanërisht tregtare, të mund të arrihet para se Londra të tërhiqet nga BE.
“Ne dëshirojmë të japim një mesazh të qartë nga uniteti i BE-së”, theksoi sot Manfred Ëeber, kreu i PPE (Partia Popullore evropiane, e djathtë), grupi kryesor politik i Parlamentit Evropian.
“Londra duhet të kuptojë se nuk do të jetë e mundur të ndryshojë qendrimin evropian”, nënvizoi eurodeputeti gjerman.
Rezoluta që u miratua në Strasburg mori mbështetjen e PPE-së dhe grupit socialist dhe demokrat (S&D), liberalëve të ALDE, të Gjelbërve dhe të GUE (e majta radikale evropiane).
“Votimi është pikënisja e një negociate të vështirë dhe komplekse për të përcaktuar kushtet e largimit të Britanisë së Madhe”, nënvizoi presidenti i Parlamentit Evropian, italiani, Antonio Tajani.
