Taulant Xhaha është rikthyer titullar te Bazeli. Ai luajti 90 minuta te shtunen në fitoren 3-0 kundër St. Gallenit. Kampionët në fuqi të Zvicrës marshojnë drejt titullit të radhës, pasi Jang Bojs i vendit të dytë është 20 pikë larg (me një ndeshje më pak).
Pas ndeshjes, 26-vjeçari hodhi sërish shigjeta drejt trajnerit të Shqipërisë, Xhani De Biazi. “Një fitore që për mua do të thotë shumë. Dhashë si gjithmonë gjithçka në fushë për ekipin tim. Titulli kampion tashmë shumë më afër. Luaj që nga fillimi i sezonit 90 minuta, kam luajtur çdo ndeshje në Chamions Ligë dhe për këtë besim që më është dhënë falënderoj shumë trajnerin, tifozët e mrekullueshëm dhe ekipin tim FC Bazel. Kuqezi përjetë”, shkruan Xhaka në “Facebook”.
