Gianni de Biasi ka dhënë një intervistë të gjatë për “Blick” ku ka shpjeguar gjithçka për situatën e krijuar me Taulant Xhakën.
BLICK: Gianni De Biasi, si jeni?
De Biasi: Keq, natyrisht.
Pse?
Sepse humbëm në Itali dhe tani kualifikimi është i vështirë.
Çka mund të na thoni për Xhakën?
Ai më shkroi një mesazh pas ndeshjes se do të kthehet në Basel të stërvitet atje.
Si reaguat ju?
I thashë se nuk je i shenjtë, nuk kanë qenë as Maradona e as Pele.
Kjo nënkupton?
Të gjithë janë njësoi. Të gjithë duhet t’i ndjekin instruksionet e trajnerit.
E kuptoni reagimin e Taulantit?
Ta themi troç. Nuk më ka befasuar aspak.
Pse nuk luajti kundër Italisë?
Gjithçka ishte në rregull përveç një gjëje, kisha plane taktike.
A ka edhe më tej të ardhme Xhaka në Shqipëri?
Kjo varet prej tij, jo prej meje.
A ia mbyllni derën pas kësaj situate të krijuar?
Jo.
Çfarë mund të na thoni për Amir Abrashin? A i gjithashtu la Kombëtaren pas ndeshjes me Italinë.
Amiri ka probleme me gju. Kemi bërë gjithçka që ai të jetë i gatshëm për ndeshjen në Palermo, por nuk ishte e mjaftueshme. Fakti që ai u largua, kupton një gjë të tillë. Ai do të bëhet mirë përsëri dhe me të nuk ka absolut asnjë problem”, theksoi De Biasi për “Blick. /Gazeta Express/
