Shqipëria do të ketë përballje shumë të vështirë sot në mbrëmje ndaj Italisë në stadiumin “Renzo Barbera” të Palermos. Trajneri i Shqipërisë Gianni de Biasi duket se e ka vendosur formacionin i cili do të luajë përballë “axurrëve”.
Italiani pritet të hedhë në fushë një formacion të rreshtuar në modulin 5-4-1. Ai është konceptuar shumë i përqendruar në mbrojtje dhe i shpejtë në kundërsulm. Besohet se ky do të jetë formacioni i Shqipërisë sonte në mbremje: Në portë Strakosha. Në mbrojtje Hysaj, Veseli, Kukeli, Ajeti dhe Agolli. Në mesfushë do të jenë Basha, Memushaj, Lila dhe Roshi ndërsa në sulm Cikalleshi.
