E shihni të gjithë kthesën e madhe që bëri Barcelona mbrëmjen e së Mërkurës në Chamions League. Por trajneri i katalansve e kishte paralajmëruar. Në një konferencë shtypi që mbajti para pak ditësh në Sevilla, Enrique kishte thënë: "Jemi ende në mes të turnit të 1/8 – ave. Nëse një kundërshtar arrin të na bëjë neve 4 gola do të thotë se ne mund t’i bëjmë atij 6 gola. E kemi bërë edhe në të kaluarën shumë herë, por nuk duhet të çmendemi dhe të llogarisim sa gola do të bëjmë dhe cilat minuta. Nuk më intereson të bëj historinë, por të kualifikohem ne cerekfinale”.
