Javën e kaluar kanë qarkulluar disa spekulime të ndryshme të cilat supozonin se iPhone 8 dhe 8 Plus do të vijnë me mundësi të njohjes së tipareve të fytyrës, për rritje të sigurisë.
Sipas një raporti të ri, Apple ka blerë kompaninë RealFace, e cila është e specializuar në produktet e njohjes së fytyrës.
RealFace është kompani nga Izraeli, e themeluar në 2014 dhe që deri më tash ka zhvilluar softuere të njohjes së fytyrës që përdorin mbylljen e mençur biometrike.
Softueri i njohjes së fytyrës që ka krijuar kompania mund të përdoret si alternativë ndaj gjurmëve të gishtërinjve për hapjen e një pajisje. Kjo teknologji pritet të jetë pjesë e iPhone-ëve të këtij viti.
Deri tani, nuk ka detaje se sa i ka kushtuar Apple blerja e RealFace dhe poashtu nuk ka asnjë konfirmim nga asnjëra prej kompanive për këtë blerje.
