Tifogrupi ultras i Tiranës, “Tirona Fanatics”, ka filluar organizimin për derbin e kryeqytetit ndaj Partizanit, që do të zhvillohet ditën e hënë në stadiumin “Selman Stërmasi”. Megjithatë organizimi nuk po bëhet për në stadium, pasi ata e kanë shpallur prej kohësh bojkotin e tyre ndaj skuadrës. Sipas një njoftimi në faqen zyrtare në Facebook, ultrasit bardheblu do të mblidhen për ta ndjekur ndeshjen në lagjen që i simbolizon, “Xhamlliku”. Grumbullimi do të fillojë në orën 16:30.
Njoftimi i plotë i “Tirona Fanatics”
“Eshte koha te tregojme forcen!
Te henen ne oren 16:30, mblidhemi ne “Xhomllik”. Ftojme te gjithe tifozet bardh e blu te na bashkohen.
NE JEMI TIRONA
Me vone detajet per organizimin.”
