Fqinji bën shumë zhurmë? Zgjidhja është “e thjeshtë”. Mjafton të blesh edhe shtëpinë e tij. Kjo është ajo që ka bërë Leo Messi në Barcelonë për të mbrojtur “privacy”-në dhe qetësinë e familjes së tij në rezidencën e Castelldefels. E ka zbuluar këtë detaj shoku i tij i skuadrës Ivan Rakitic në një intervistë për të përditshmen kroate “Novi List”.
“Unë nuk kam probleme me komshinjtë, ashtu siç kishte Messi në Castelldefels. Atij iu desh të blinte shtëpinë e komshiut, sepse ai bënte zhurmë të madhe”, tha lojtari kroat.
