Sipas kryeparlamentarit britanik John Bercow, Donald Trump nuk do të jetë i mirëseardhur në Parlamentin britanik gjatë vizitës së tij shtetërore në Mbretërinë e Bashkuar. Kjo deklaratë nxiti duartrokitje dhe brohoritje të zhurmshme nga deputetët.
Bercow ka një rol jopolitik, por duke qenë se është një ndër tre personat kyç të Parlamentit, ka mundësi ta bllokojë një fjalim të mundshëm të Trump para deputetëve.
Ai ka thënë se është nxitur në veçanti nga ajo që ai e ka quajtur "ndalesa ndaj emigrantëve" nga Trump, urdhri ekzekutiv i nënshkruar gjatë javës së parë në pushtet të presidentit, që ua ka pamundësuar hyrjen në SHBA shtetasve të shtatë vendeve myslimane, përfshirë edhe refugjatëve.
