Presidenti i Shteteve të Bashkuara, Donald Trump, ka nënshkruar sot një urdhër ekzekutiv, për të shkëputur SHBA-në nga marrëveshja tregtare për Partneritet Trans-Paqësor (TPP).
Kjo marrëveshje tregtare ishte nënshkruar nga 12 vende dhe mbulonte 40% të ekonomisë botërore.
Trump kishte premtuar shkëputjen nga kjo marrëveshje në ditën e tij të parë të punës, që para se të konfirmohej si President. Presidenti kishte deklaruar se kjo marrëveshje ishte e dëmshme për Amerikën dhe se do të vendosen lidhje të dretpërdrejta me shtetet e përfshira në "Partneritetin Prans-Paqësor".
Ky urdhër ishte pjesë e një serie urdhrash ekzekutivë të planifikuar për sot nga Trump, për të filluar përmirësimin e politikave tregtare të SHBA-së.
