Policët në vendet e Bashkimit Europian janë njoftuar të qëndrojnë vigjilent teksa një pistoletë që ngjan me telefonat celular do të dalë në shitje në SHBA. Pistoleta e prodhuar nga Ideal Conceal është e kalibrit a.380. Ajo do të jetë në shitje muajt në vazhdim dhe pritet të futet ilegalisht edhe në Europë. Pistoleta e prodhuar në Minesota mban dy plumba dhe është e pajisur edhe me lazer. Deri tani ajo është porositur nga 12 mijë persona. Cmimi i saj është rreth 375 euro dhe do të mund të gjendet në dyqanet e armëve gjatë tremujorit të parë të 2017. /Lapsi.al
