Kur një klub vendos të shpenzojë miliona euro për një futbollist, duhet të mendohet gjatë.
Kohët e fundit ka pasur shumë raste dështimesh në blerje, ku lojtarë që kanë shkëlqyer në klubet e tyre të mëparshme nuk kanë arritur të përshtaten si duhet në “shtëpinë” e re.
Stili i lojës, ambienti apo edhe raportet me trajnerët, kanë bërë që futbollistë prestigjiozë të qëndrojnë në bankinë për një kohë të gjatë.
Goal.com ka publikuar listën e 25 transferimeve të dështuara të vitit 2016.
Mes tyre bën pjesë edhe Granit Xhaka, i cili i kushtuar Arsenalit gati 45 milionë euro dhe u ble për të qenë një pikë referimi në mesin e fushës.
Por, lojtari i Kombëtares së Zvicrës nuk ka mundur të fitojë një vend prej titullari stabël, pasi Arsene Wenger mendon se nuk ka arritur ende që të përshtatet si duhet me lojën e skuadrës.
Gjithsesi, nuk është i vetmi “dështim” i shtrenjtë në kontinent, pasi listës i shtohen edhe emra si jese Rodrigez, Paco Alcacer, Leroy Sane, Ezequel Garay apo Andre Schurle.
Transferime prej së paku 30 milionësh, por që janë shndërruar në rezerva sistematike dhe pas pak muajsh po mendojnë që të ndryshojnë ekip.
Francezët e PSG-së kanë bërë disa zgjedhje mjaft të gabuara.
Jo vetëm Jese, por edhe Ben Arfa nuk arriti të jetë lojtar i denjë për formacionin.
Nga ana tjetër, e ndjek Atletico Madridit, që shpenzoi shumë për Gaitanin dhe Sime Vrsaljko, por që tashmë po i shikon si një barrë financiare në buxhetin e klubit, pasi Diego Simeone nuk po i përdor thuajse fare në fushë.
Leroy Sane (Nga Schalke te Manchester City)
Nampalys Mendy (Nga Nica te Leicester)
Ezequiel Garay (Nga Zeniti te Valencia)
Andrea Schurle (Nga Wolfsburgu te B.Dortmund)
Gerson (Nga Fluminiense te Roma)
Wilfred Bony (Nga Man.City te Stoke City)
Mehdi Benatia (Nga Bayern Munich te Juventusi)
Salvatore Sirigu (Nga PSG te Sevilla)
Pau Lopez (Nga Espanyoli te Tottenhem)
Emanuele Giaccherini (Nga Bologna te Napoli)
Granit Xhaka (B. Moenchegladbach tek Arsenali)
Jose Sosa (Nga Besiktasi te Milani)
Ganso (Nga Sao Paolo te Sevilla)
Alvaro Arbeloa (Nga Real Madrid tek West Ham)
Gabigol (Nga Santos tek Interi)
Nikolas Gaitan (Nga Benfica tek Atl.Madrid)
Michy Batshuayi (Nga Marseille te Chelsea)
Jese (Nga Real Madrid te PSG)
Hatem ben Arfa (Nga Nice te PSG)
Sime Vrsaljko (Nga Sasuolo tek Atl.Madrid)
Simone Zaza (Nga Juventus tek West Ham)
Paco Alcacer (Nga Valencia te Barcelona)
Ever Banega (Nga Sevilla tek Interi)
Martin Demichelis (Nga ManCity tek Espanyoli)
Thomas Vermalen (Nga Barcelona te Roma)
