Autori i vrasjes së ambasadorit rus në Turqi, Andrey Karlov u identifikua 22-vjeçari i veshur si polic. Ai është Mevlut Mert Altintas. Ai qëlloi nga pas ambasadorin ndërsa po mbante një fjalim në një ekspozitë të mbajtur në Ankara. Altintas u filmua ndërsa qëllonte mbi ambasadorin me pistoletën e tij gjysmë automatike.
Zyrtarë turq thanë se Altintas ishte jashtë detyrës në momentin e ngjarjes. Të njëjtat burime thanë se atij i është arrestuar motra, nëna dhe shoku i dhomës pas ngjarjes. Përpara se ta qëllonin për vdekje ai bërtiti në turqisht: “Mos e harroni Alepon! Mos e harroni Sirinë!”
Më pas ai iu drejtua gazetarëve: “Mos u afroni! Mos u afroni! Vetëm vdekja do më nxjerrë jashtë! Të gjithë ata që kanë gisht në këtë represion do të vdesin një e nga një”.
Në mes të kaosit ai përsërist dhe fjalët “Allahu Akbar” që do të thonë “Zoti është i madh”.
Ministri i brendshëm turk tha se agresori ishte një polic. Ai ishte pjesë e forcave speciale prej 2 vitesh e gjysmë. Ai e identifikoi me emrin Mevlut Mert Altintas lindur në vitin 1994.
Ai tha se i riu kishte qenë aktiv në partinë e Presidentit Erdogan (AKP) por ndoshta më vonë ka pasur ndikim nga Fronti Al Nustra, një degë e Al Kaeda. /lapsi.al/
