Futbollisti i Chapecoenses që i shpëtoi aksidentit ajror, Alan Ruschel, është zgjuar nga koma. Babai i tij tha se Alan nuk mban mend asgjë nga ajo që ka ndodhur.
“Alan është zgjuar nga koma. E di që po shkonte për të luajtur në Kolumbi, por nuk i kujtohet asgjë nga aksidenti. I tregova që kanë pësuar aksident. Ai më pyeti se çfarë ka ndodhur dhe se kur do të shkojmë në shtëpi”, - deklaroi ai përcjell lajmi.net.
“Nuk i kam treguar gjithë historinë sepse ai nuk është i gatshëm të marrë vesh të vërtetën. Ne i jemi mirënjohës Zotit që e shpëtoi atë dhe jam i lumtur që djali po shërohet”, - shtoi babai i Ruschel. Ai ishte një nga të paktët që i shpëtoi aksidentit famëkeq.
