Skënderbeu merr një tjetër fitore minimale në Kategorinë Superiore. Korçarët mposhtën Laçin në transfertë me rezultatin 0-1. Golin e vetëm e realizoi Latifi në minutën e 67. Pas këtij takimi, Skënderbeu arrin në kuotën e 26 pikëve duke mbajtur i vetëm kreun e klasifikimit pas barazimit të Kukësit me Tiranën.
Kuksianët kanë 24 pikë ndërsa të tretët vijnë “të Kuqtë” e Partizanit me 23 pikë. Partizani u rikthye te fitorja pas 3 barazimesh duke mposhtur në “Elbasan Arena” Teutën me rezultatin minimal 1-0. Skuadrës së drejtuar nga Starova u ka mjaftuar një gol i Ekubanit në minutën e 49 për të siguruar 3 pikët. Partizani ndeshet javën e ardhshme me Tiranën që ndjek në vendin e katërt me 21 pikë.
