Trajneri i Manchester, City Pep Guardiola, ka konfirmuar qartë se nuk ka asnjë interes për të transferuar Lionel Messin, duke u shprehur se ylli i Barcelones do ta përfundojë karrieren në klubin katalan.
“Unë e kam përsëritur disa herë që Messi do të qëndrojë në Barcelonë dhe do ta përfundojë karrierën e tij në Barcelonë”, ka deklaruar trajneri spanjoll. “Ky është mendimi im. Unë mendoj se ai do të luajë deri në fund të karrierës me Barcelonën”.
Guardiola ka hedhur kështu poshtë zërat se ylli argjentinas do të transferohet te Manchester City, pasi ende nuk ka nënshkruar për zgjatjen e kontratës me Barcelonën.
Kontrata aktuale e Messit me ekipin e tij përfundon teorikisht në fund të sezonit 2018.
Shtypi anglez ka shkruar se Manchester City ka marrë një ofertë kolosale prej 235 milionë euro për të marrë shërbimet e argjentinasit, i cili do të ketë një pagë javore prej 600.000 euro./ATA/
