Inter është eliminuar nga Liga e Evropës. Barazimi në derbin me Milan shtoi entuziazmin në klubin zikaltër, por humbja 3-2 në fushën e izraelitëve të Hapoel Beer Sheva ka rikthyer trishtim te skuadra italiane. Inter arriti të krijonte epërsinë e dy golave në pjesën e parë por në fund humbën 3-2 për tu eliminuar nga Liga e Evropës. Golat për Inter u shënuan në të parën nga Icardi (13) dhe Brozovic në minutën e 25-të.
Një pjesë e dytë për tu harruar nga Inter. Ishte minuta e 58-të kur sulmuesi Lucio Maranhao ngushtoi epërsinë në 1-2 ndërsa në minutën e 69-të, portieri Samir Handanovic shkaktoi penallti dhe u përjashtua nga ndeshja me karton të kuq. Për ta barazuar rezultatin në 2-2 nga pika e bardhë u përkujdes nigeriani Anthony Nëakaeme. Pas kësaj humbje Inter mbetet në pozitën e fundit në Grupin K me tri pikë dhe eliminohet në mënyrë të turpshme nga Liga e Evropës.
