Lionel Mesi është mungesa e madhe e Barcelonës në takimin e sotëm kundër Malagas. Futbollisti argjentinas pritej të udhëhiqte sulmin e skuadrës së Luis Enrikes në këtë ndeshje, pas një paraqitje të shkëlqyer me përfaqësuesen e vendit të tij.
Një orë para fillimit të ndeshjes, Barcelona ka lajmëruar se Mesi nuk ishte në gjendje të luante në këtë takim. Argumentimi ishte “pamundësia për të zbritur në fushë për shkak të të vjellave”.
Mediat spanjolle kanë bërë të ditur se Mesi po kalon një virozë gripale e cila shoqërohet me të vjella të shumta, aq sa edhe doktori i skuadrës, Rikard Pruna, ka qenë në shtëpinë e tij për ta kontrolluar disa herë gjatë ditës së sotme. Pasi ai konstatoi se argjentinasi ishte shumë i dobët fizikisht falë kësaj viroze, vendosi që të lajmëronte Enriken se Mesi nuk mund të zbriste në fushën e lojës.
