Publicisti i njohur britanik Timothy Garton Ash, e ka shpallur kancelaren gjermane Angela Merkel si ideren e re të botës së lirë. Një opinionin e tij periodik për gazetën The Guardian, ku ai ka komentuar fitoren e Donald Trump dhe rrezikun e përhapjes së anitiglobalizmit global, ai pretendon se një rizgjedhje e Merkel ne 2017 mund ta shpëtojë Europën nga kjo klime nacionalizmi dhe izolacionizmi. Ai e ka ngritur lart fjalën e kancelares gjermane pas fitores së Trump: “Komenti më i saktë që dëgjova për fitoren e Trumpit qe ai i Angela Merkel. «Gjermaninë dhe Amerikën i lidhin vlerat e demokracisë, lirisë të respektimit të ligjit dhe dinjitetit njerëzor, pavarësisht nga origjina, ngjyra, feja, orientimi seksual apo pikëpamjet politike. Donald Trumpit, presidentit të ardhshëm të Shteteve të Bashkuara, i ofroj bashkëpunim të ngushtë në bazë të këtyre vlerave» tha Merkel. Pas kësaj, shprehjen «Lideri i botës së lirë» që rëndom i mvishet si me ironi presidentit të Shteteve të Bashkuara të Amerikës kam tundim që nga sot ta përdor për kancelaren gjermani: “lideri i ri i botës së lirë është Angela Merkel”.
