Disa orë para se amerikanët të hedhin votën e tyre për të zgjedhur pasuesin e barak obamës në shtëpinë e bardhë, dy kandidatët për president republiknai Donald trump dhe demokratja hilari klinton po mbajnë tubimet e fudnit në disa shtete, në përpjekjen e tyre finale për të bindur amerikanët të votojnë në favor të tyre.
Klinton ka zgjedhur Miciganin, Filadelfian dhe Karolinën e Veriut, kurse Trump Florida në Filadelfia dhe Karolinën e veriut gjithashtu. Megjithatë, në shtetet ku lejohet votimi i hershëm, afro 42 milionë amerikanë tashmë kanë votuar për zgjedhjet presidenciale.
Sipas dy anketave më të fundit të CNN, Hilari Klinton kryeson në New Hampshire dhe Pensilvani. Sondazhi i realizuar nga Universiteti i New Hampshire i jep Clinton një rezultat befasues me 11 pikë epërsi ndaj Trump, dhe katër pikë epërsi në Pensilvani. Duket se mbyllja e hetimit të FBI për çështjen e emeilave të Clinton, i ka dhënë një kthesë të fortë betejës elektorale mes dy kandidatëve.
Nga ana tjetër bashkë me garën për shtëpinë e bardhë, po zhvillohet edhe më e ashpër lufta për kontrollin e senatit. Republikanët rrezikojnë të humbasin fuqinë e tyre në senat dhe në dhomën e përfaqësuesve.
Nëse votuesit do t’ja lënë në dorë fuqinë demokratëve, 2017 ka të ngjarë të sjellë një prirje më të moderuar për faturat që ligjvënësit i dërgojnë presidentit për nënshkrim. Për të fituar një kontroll të plotë të senatit, demokratët duhet të kenë një fitim neto prej 5 vendesh. Republikanët aktualisht kanë 54 vende në Senat krahasuar me 44 të demokratëve, kurse dy janë të pavarur.
Demokratët përballen edhe më një tjetër sfidë, atë të dhomës së përfaqësuesve, ku iu duhet të fitojnë 30 vende për të marrë në dorë kontrollin të cilin nuk e kanë që prej 2010. Sipas analistëve, demokratët mund të arrijnë të marrin 20 vende, por jo më shumë. Kontrolli i senatit nga republikanët përgjatë dy viteve te fundit solli shumë ngërçe në projektet e presidentit Barak Obma, ku ndër më të debatuarit ishte ai shëndetësor, i njohur si “Obamacare”. /Ora
