Manchester City ka shkëlqyer përballë Barcelonës në ndeshjen e katërt të grupeve të Champions League. Anglezët e fituan me rezultatin 3-1. Skuadra e Pep Guardiolës edhe pse nuk e kishte posedimin e topit në favor u tregua më e rrezikshme.
Barcelona kaloi e para në epërsi me golin e Lionel Messit që në minutën e 20-të, por City nuk u dorëzua. Ishte gjermano-turku Ilkay Gundogan ai që shënoi në minutën e 40-të. Kevin De Bruyne, shënoi një super gol nga goditja e dënimit në minutën e 51-të. Në minutën e 74-t, Aguero humbi një rast të mirë, ndërsa topin e kthyer nga portieri e çoi në rrjetë Ilkay Gundogan.
Pas kësaj fitoreje City shkon në kuotën e 7 pikëve, ndërsa Barcelona mbetet me 9 pikë duke e “shijuar” humbjen e parë në Evropë.
