Ndeshja mes Partizanit dhe Skënderbeut e luajtur në “Elbasan Arena” është ndërprerë në minutën e 84-t pasi një pjesë e mirë e stadiumit u përfshi nga kaosi dhe dhuna. Shkak u bë ndërhyrja e dhunshme e forcave të policisë ndaj tifozerisë së Partizanit. Për disa minuta, situata u bë aq kaotike, pasi policia nuk ngurroi të përdorte forcën ndaj tifozëve, si pasojë e të cilës shumë tifozë mbetën të plagosur. Ndërkaq, nga kaosi i shkaktuar dhe ndërhyrja e policisë, disa mbështetës të ekipit të Partizanit zbritën në fushë për të marrë mjekimin e parë. Një prej tyre ishte vajzë e re, e cila u shoqërua me ambulancë drejt spitalit të qytetit të Elbasanit pasi pësoi konvulsione dhe alivanosje
