Kantautori amerikan Bob Dylan më në fund ka pranuar çmimin Nobel në letërsi të akorduar në 13 tetor të këtij viti. Konfirmimi erdhi nga vetë akademia suedeze nëpërmjet një deklarate ku thuhet se Bob Dylan ka telefonuar Sara Danius, sekretaren e përhershme të akademisë suedeze, për t’i thënë asaj se kishte “mbetur pa fjalë”. Dylan e ka përshkruar çmimin Nobel si të mrekullueshëm dhe të papritur. “Është e vështire për t’u besuar… Kush do të ëndërronte për diçka të tille”, citon BBC kantautorin amerikan. Megjithatë ende nuk dihet nëse Bob Dylan do të marrë pjesë në ceremoninë e ndarjes se çmimeve “Nobel”, e cila organizohet në dhjetor. Sipas BBC, ai ka thënë se preferon ta marrë çmimin personalisht, nëse kjo është e mundur. Një jave me parë, një nga anëtarët e akademisë së ndarjes së çmimeve “Nobel” e përshkroi heshtjen e Bob Dylan si të pasjellshme dhe arrogante.
